جمعة الربل…

لم نصل بعد الى الحيتان الكبيرة، ومع ذلك فأن حجم الفساد الظاهر يمثل كارثة.
مايظهر على السطح، يؤكد ان الفساد لدينا كان مدعوم ، قانونيا، وشرعيا، وسياسيا وحكوميا !!!ولذلك مَن امن العقاب اساء الفساد!!!!(يصير ميّعرف وين يظم الدفاتر)!!!!عملية حفظ بدائية ومجه!
هذا عندي ولد صديق يسولف على واحد بقطاعهم، يسمونه، جمعة الربل
يگول :
يصيحوله بالقطاع جمعة السّكير
شفته قبل فترة.
صحت عليه : ها الربل، انت ليش مافرهدت ويا اليفرهدون ايام الحواسم چان هسى امورك زينة ؟!!!
گال استاذ : اتصوّر الوادم يسموني السكّير، واني حتى بهاي ما اتسافلت مثل الكثير!!
تدري استاذ :اني من اباوع على حجم الفساد و(عدم العدالة) فيه!!! ، اتخيل نفسي، الله خالقني زواده مال واحد زنگين!!!!!
تصّور استاذ اني حتى القدر اختارلي اسم، لايشتغل ولايساعد على الاشتغال
فجمعة : مثلما يعرف جنابكم الكريم  هو يوم عطلة عد (المسلمين) اليس كذلك؟ !!! واللي يكتلك انوب الوادم كلها تصّيح (جمعة مباركة)
وأُلقب بالربل : وهو حاجة لاتنفع حتى باسواق العتاگة!!!!!
واردف قائلا : هسى لو هاي النضدات مال الدفاتر هم اشويه منطين منها للفقرا والمساكين، هم واحد مايحترگ گلبه….بس عدالة ماكو..
ثم نظر اليّْ بسخرية وقال :
والله يااستاد انا خايف عليك بس لاتصير من (اللغافة) ، اشو هي صايرة، وين ماتطي وجهك تلگ اللغف صاير سد!!
بس رحمة الله

سخرية سوداء