لابُدْ على اسباب ال يوّن تالي الليل

لابُدْ على اسباب!!
ال يوّن تالي الليل!!!

مدرك تماما ان كل الشرائع السماوية والوضعية جاءت لتجعل من هذا الكأئن العاقل (الانسان)، صالحا، مستقيما، معتدلا، محبا للخير ودالٌ عليه.
جاءت لتجعل منه كائنا ناكرا لذاته وخصوصياته، اذا كان الأمر فيه مصلحة عامة.
جاءت لتجعل منه انسانا متعاونا، متكافل اجتماعيا في عمل الخير، وهذا هو الهدف المركزي لرسالات السماء، وكذلك للشرائع الوضعية منها.
الفهم الحقيقي للدين،عادة ما يظهر على وجه المجتمع، من خلال سلوكيات افراده وعلاقاتهم، ومدى تعاونهم وتكافلهم لبعضهم البعض.
تقدير المصلحة العامة، دليل رقي ايماني، ومسؤولية اخلاقية وشرعية، وهي عمل يحبه الله ورسوله والمؤمنون.

#-من مشاكلنا المزمنة في الصيف هو المحولة الكهربائية الوطنية في منطقتنا ، كلساع نازلة الجوزة، كلساع مقطوع فيس، كلساع عاطلة. واحنا متمرمرين تمرمر!!!!!!
كانت هناك مبادرة انسانية قام بعض الخيرين في المنطقة جزاهم الله خيرا، لطلب مولدة ارضية (كيوسك)، بدلا عن المولدة القديمة، وطلبوا مني الاشتراك معهم في هذه المهمة الانسانية النبيلة.
اول خطوة سويناها رحنا لابو البيت اللي المفروض تنصب المولدة أبابه.
هو متجاوز حوالي (10)متر على الشارع، ومسوي سقيفة، وسياج حديدي..
گال ما اقبل تخلونها ابابي!!!
يابه موقع المحولة القديمة ابابك!!
وقل بعد اللتي والتيا، قال اقبل بشرط :
ان يزحف موقع المولدة الارضية الجديدة، 3 امتار!
جبنا (فيته) وحددنا المكان، يعني اهناه؟
اي.
الحمد لله الخطوة الاولى رهمت! وحتى گال اني اذا رهمت هاي السالفة هم ادير بالي عليهم!!!!
الخطوة الثانية، لازم نجمع فد مبلغ لأن مثلما تعرفون القضية بالعراق ماتمشي عدنا اذا مايندهن السير !
المهم ما اطول عليكم، جمعنا فد مبلغ معين ، بس من بعديش!!!! كل واحد ندگله اليتيمة!!!! ونقرأ فد عشر ايات على العمل الصالح والانساني باعتبارة ركن من اركان الايمان َ!!!! والله والرسول ص يحب الايثار ونكرات الذات وووووو
كانت تجربة!!! لكن للاسف عززت من قناعاتي( السلبية) بالموضوع.
اتصوروا، فد يوم دگينا الباب على واحد بالمنطقة، اني ما اعرفة بس الولد اللي وياي يعرفونه، گالوا هذا قاضي، مدري محامي، بس اني شفت سيارة جكسارى ابابه،بالعافية عليه
طلع وكالعادة قريناله اليتيمة!! گال والله ماعندي بعدني ماماخذ راتب، علما ان المبلغ المطلوب بسيط، حتى مو بالعملة الصعبة!!!!! 🤣.
المهم.
واحد آخر طلع گال اني ماعندي، اليوم الحنى مال بنتي!!!!!!
گتله يابه محلولة : انطينا ال(25) الف وسجلها على نسيبك!!!!🤣
المهم بعد المراجعات والتعب من بعض الاخوة جزاهم الله خيرا، گول حصلنا الموافقات الرسمية، وطلع المهندس كشف لتحديد موقع والمكان، والحمد لله، طلع المكان اللي تنصب بيه المولدة الكيوسك يبعد حوالي (6) متر عن ابو البيت اللي شرط في البداية ان لازم( 3)متر تبتعد، تنفسنا الصعداء حينها وقلنا ربك مايگطع اجت عدله!!!!
المكان مشترك مع جيرانه.
طلع ابو البيت، گال اني ما اقبل تنصبوها اهناه، چا وين بعد اخوك؟!!
انت موگلت زحفوها 3امتار، هسى نعمة من العزيز الجليل زحفت حوالى 6امتار؟!!!
گال طلعوها خارج السياج
مصّلحنا، ردنا، معود، ابو الغيرة، عمك زين، احنا تعبنا وخسرنا، لو من البداية چان ما اتحركنا اصلا.غير انت وافقت؟!!!
ما اعرف والله، اني اخاف تنفجر عليّ
المهندس گاله عمي هاي المحولة امينة مو مثل المحولة القديمة المعلگة قريب من شباكم!!!
المهم مارضى!!!!
ضاقت بنا الارض بما رحبت!!!
گلنا خل نحول القضية (عشائريا)
واحد من الاخوة يعرف چبيره لهذا الزلمه.
خابرنا عليه، وشرحناله المقتل!!!!!!
خابر على زلمته!!!
وبألف ياعلي گول وافق!!!!!!!!!
وهسى احنا بعدنا نشتغل بمكان المحولة الجديد!!!
طولت عليكم بس اريد اگول فد شغلة وحدة وبالمختصر وبعد تجارب مريرة ان :
(هذا الدين اللي عدنا الآن مو هو الدين اللي يريده رب العالمين قطعا )!!!!!!
هسى اشلون، ليش، زين هاي مسؤوليتمن؟!!!! هاي الشغلة مو يمي!!!! المهم اني هذااللي وصلتله!!!!
طبعا الشغلة بيها اسثناءات ولو خليت چان انگلبت مثل مايگولون!!! لكن العموم هو هذا الموجود!
والعاقبة للمتقين.

سخرية سوداء