شدو روسكم يگرعان!

ان تأتي من ضروف سياسية قاسية
ان تأتي من ضروف اجتماعية صعبة
ان تأتي من ضروف اقتصادية كارثية
فانك حتما ستعاني على المستوى النفسي، مثل هكذا ضروف تخلق بالضرورة لدى الانسان عقدا معينة، عقد نفسية لا ارادية.
واحيانا يضاف الى ذلك ايضا عقد يحصل عليها الانسان بالوراثة.
ولكن هناك عُقد ارادية، يخلقها الانسان لنفسه عن طريق ثقافته وفهمة للاشياء او عن طريق علاقاتة الاجتماعية.
هذا ولد صديقي موظف سولفلي على نموذجين عدهم بالدائرة يگول :
#- هذا عدنا رئيس الدائرة احنا نعرفه يشجع ريال مدريد،يوم اللي تخسر الريال سواء بالدوري الاسباني او بدوري الابطال، ندخل انذار، الجو كله يتكهرب!!! والعكس صحيح، وتعرف الوحدة بآمرها؟! !
صحيح!
والنموذج الثاني يگول صديقي : اكو
عدنا مدير عام يذكرنا ب النعمان بن المنذر، احد ملوك الحيرة بالعصر الجاهلي.
اشلون؟!!!!!
يقول هذا النعمان كان له يومان :
يوم سعد : مَن صادفه فيه اكرمه
يوم بؤس :مَن صادفه فيه، هذا اللي الله كتبه عليه!!!
يگول : احنا اذا نريد نقدم طلب او اجازة نسأل السكرتير مالته ، اشلونه مزاج الاخ اليوم؟!!!!..يوم سعد يوم حزن؟!!
انا كلت لصديقي بالله هسى هذا اللي يشجع الريال، اعتقد راح اتصير اموركم زينه وياه!
اشلون؟!
لان السنة (يجوز على عينكم) الريال جابوله مدرب زين وانشاء كلها فوز هاي انحلت!!!! 🤣
بس هذا المدير العام مالتكم، مامتأكد من شغلته!!! لازم تعرفون انتم ليش مثلا من الصباحيات يجي ضايج!!!
ياولحظ اشو الوادم مسؤولين ووزراء وقادة كبار، وبين فترة وفترة ويشتغل كيشواني لو بالامام الرضا (ع) لو بالامام الحسين (ع)،
احنا ربعنا (عجل يابه) بس يصير اشويه بظافره اطحين :حتى مشي على الگاع يگوم مايعرف يمشي!!!!!!!!!!!!!!!!
#-واحدة من مشاكلنا الوظيفية والادارية المزمنة، هو اننا ننقل عقدنا النفسية والدينية والاجتماعية الى مجال عملنا!!!!! وهذا سببه التخلف بالدرجة الاولى !

سخرية سوداء