جمعة المسودن!
الدكتاتورية صفة يشترك الجميع في انتاجها، فمن مواصفات شخصية، ولا اقلها عدم الثقة بالنفس، والضعف الداخلي، الى سلوك اجتماعي متلون.
اساليب، وسلوكيات،توحي للمسؤول انه صناعة من طينة خاصة، ومعصوم بالعصمة المكتسبة.!!!
انها ثقافة متجذرة فينا ، لم تتغير، ارث جميل!!! من الفترة السابقة لابد من المحافظة عليه.
ثقافة كان (الرفاق) ادوات تنفيذها!!
حتى كتب احدهم : ان من نعم السماء على الارض وجود صدام!!!!
وربما الآن هناك مَن يعتقد ان نعم السماء لازالت مستمرة رغم الفساد الفاحش!!!
-هذا كان واحد يجي بالسوگ يمنا، نسميه (جمعة المسودن)،طبعا هو مو كلش مسودن، دائما يشيل بيده كرك
مرات جماعة ينطونه فلوس، ويگلوله جميعة هوسلنا!!
فد يوم مهوس هوسة بالسوگ : (بحر المايتگيش، گيش بيه صدام وجمعة) !!!
ظاهرا اكو واحد من الرفاق المخلصين، موّصل الموضوع للفرقة الحزبية يمنا ، سمعنا دازين على جميعه، محققين وياه! ماخذين عليه تعهد بعدم السباحة مع القائد الضرورة 😅
دارت الايام، بعد السقوط، شفت جميعه بفاتحة ورى السدة، سلمت عليه، گعد يمي.
سألته :اشلونها امورك؟!
الحمد لله.
اگلك جميعه، تذّكر ذيچ المره لمن اخذوك الحزب للفرقة الحزبية ؟!!! علموديش؟!! (اثرت فيه المواجع)
گال :خل يولون انعل ابوهم لابو الجابهم، وسكت!!
كمّل لاتخاف!! الآن الوضعية اختلفت
گال: انت متأكد!!!!! الوضعية اختلفت!!!!
معقولة ثقافتنا اختلفت!!!!!
صدگ لو گالوا : خذ الحكمة حتى من افواه المجانين!!!!
سخرية سوداء
Share this content:
